اسرتى

الفصل ١
اسرتي الجزء ١
تمر الايام ويزداد الالم لم يظهر عليه اي تحسن اصبح يحتاج الى من يساعده كل يوم اكثر من قبل شعوره بانه عبء على المحيطين به يطغى عليه هو الطفل الذي اشفق عليه الجميع والراهق الذي لم يستطع ان يعيش مراهقته وهو نفس الشاب الذي راى اقتران كل اخوته من خلف شباك حجرته منزويا وقد قارب على ال ٣٠من عمره ومزال يراقب من خلف شباك حجرته العالم الخارجي ماذنبه الذي اقترفه لا شئ سوى انه خلق هكذا لا يستطيع الحركه رغم محاولات اسرته المستمره في عرضه على العديد من الاطباء الا ان احد منهم لم يستطيع ان يساعده على تجاوز محنته التي خلق بها لكنه اعتاد الصبر والصمت لم يتزمر ابدا كلما ضاقت به نفسه وجد متنفسه في الدعاء لله والاستغفار المستمر والصلاه التي كانت سلواه الوحيده كثير ماصام و ابتهل الى الله ان يعطيه القدره على الصبر والشكر لله والحمد وبينما هو هكذا سمع طرقا على باب غرفته حاول سليم رفع راسه قليلا محاولا الكلام 

سليم مين 
اتاه صوت الطارق وكان اخوه نبيل 
نبيل انا نبيل يا سليم صحيت 
سليم اتفضل 
نبيل صباح الخير يا حبيبي عامل ايه 
سليم الحمد لله 
اعان نبيل اخوه سليم على الجلوس وساعده في تبديل ملابسه واجلسه على كرسيه المتحرك
سليم شكرا يا نبيل 
نبيل على ايه يا برنس يلا بقى عشان نفطر 
حرك سليم الكرسي الكل في انتظارنا 
اخرج نبيل سليم خارج غرفته الى غرفه الطعام حيث ينتظر جميع افراد الاسره الاخوين 
سليم صباح الخير 
رد الجميع صباح النور 
سليم اخبارك ااايه يا ماما 
ام سليم فاطمه الحمد لله يا حبيبي بخير طول ما انت واخواتك بخير 
وجهت فاطمه حديثها لنبيل نبيل ياحبيبي اتصل بالحلاق يجي لسليم النهارده دقنه طولت و شعره 
نهى اخت سليم ونبيل في ثالثه جامعه بلاش يا ماما سليم كيوت في الدقن خالص صح يا سولي 
سليم يضحك اه هو انت 
نهىحبيبي يا سولي ممكن سلفي معاك بالدقن قبل ما تحلقها 
سليم ممكن طبعا 
فاطمه كفايه يانهى وخلصي اكل عشان تروحي كليتك وانت يا نبيل متنساش 
نبيل حاضر يا حجه انا عامل حسابي وكلمت عم عارف وهيجي قبل الضهر تؤمريني بحاجه تانيه قبل ما اروح الشغل 
فاطمهتسلم يا حبيبي ميؤمرش عليك ظالم 
ينظر نبيل لزوجته جيجي جيجي لو روحتي بيت والدك كلميني افوت اخدك بعد ما اخلص شغل 
جيجي زوجه نبيل وولدها ابن خال والده 
لا يا نبيل انا مش هروح النهارده مع السلامه انت واما توصل كلمني طمني عليك 
نبيل مش عايز حاجه يا سولي قبل ما انزل 
سليم سلامتك 
نبيل يالا يا نهى عشان اوصلك في طريقي 
نهىيالا انا جاهزه سلام يا فطوم سلام يا جيجي 
تطبع قبله على جبين سليم 
سلام يا سولي 
سليم سلام يا حبيبتي 
يخرج نبيل ونهى وتساعد فاطمه ابنها سليم في تناول طعامه وادويته بينما تقوم جيجي بترتيب غرفه سليم واعداد كوب عصير له
الفصل ٢
اسرتي الجزء 2
في لندن حيث تسكن امال اخت سليم ونبيل مع زوجها الذي يعمل موظف في سفاره مصر بالندن 
اماليا رامي قوم يا رامي هتتاخر على شغلك 
راميجود مورننج امال الحمام جاهز 
امالجود مورننج عليك يا عمري فوق كده الحمام جاهز والفطار كمان 
رامي حبيبتي يا ناس 
يدخل رامي للحمام بينما تتوجه امال لغرفه ابناءها 
علي في الصف العاشر وعاصم في الصف الثامن و عليا في كي جي 1 
امال حبايبي حبايب مامي قوموا ياله الباص نص ساعه ويكون هنا 
علي مامي سبينا شويه ننام 
امال مينفعش يا ليلو النهارده اخر يوم في الدراسه قوم بسرعه 
عاصم مام يعني هنسافر مصر 
امال شور يا حبيبي بعد اسبوع بالظبط هنكون في مصر ان شاء الله قوم بقا
عليا ماما انا صحيت وهروح الحمام اتوضى علشان اصلي كده ابقى بنت مؤدبه 
امالبنتي حبيبتي يا ناس طبعا يا قلبي 
علياكده انكل نبيل هيحبني كتير اكتر منكم 
تجري عليا على الحمامه وتتوضى وتلبس ملابسها و طبعا امال بتساعدها لانها لسه صغيره 
رامي انتوا فين يا شباب هنتاخر 
الاولاد وامال احنا جاهزين 
رامي وانتي هتروحي فين يا امال 
امالهخرج اعمل شوبنج على السريع واتاكد ان كرسي سليم اتشحن علي مصر 
رامي متقلقيش انا اتاكدت انه اتشحن على العموم هتيجي معايا اوصلك ولا ايه النظام 
وبينما تهم امال بالرد تسمع صوت باص المدرسه 
امال بسرعه يا اولاد خدوا بالكم من بعض لا اله الا الله 
الاولاد سيدنا محمد رسول الله 
رامي يقف ويحتضن امال الحمد لله يا امال ان وجودنا هنا ماثرش على تربيه الاولاد شكرا ليك بجد انا فعلا فزت باجمل واشطر واكتر بنت مهذبه في مصر 
امال ربنا يبارك لي فيك يا حبيبي انت والاولاد و ميحرمنيش منكم ابدا انتم نعمه من ربنا 
رامي طب ياله بينا بقى عشان منتاخرش انا لسه هوصلك
الفصل ٣
ذكريات الجزء ١
في القاهره نجد جرس الباب يعلوا صوته في البيت عيله سليم 
فاطمه يا جيجي ممكن تشوفي مين على الباب 
جيجيده عم عارف يا ماما 
فاطمهبسرعه كده الوقت عدى وبقينا الظهر دخليه الصالون يا جيجي 
تنهي فاطمه تدليك اطراف سليم كما تفعل كل يوم وتعدل من ثيابه وتلبسه خف للقدم وتحرك كرسيه في اتجاه الصالون 
فاطمهاهلا يا عم عارف اخبارك ايه واخبار اولادك 
عم عارف الحمد لله يا حجه بخير ونعمه من ربنا 
يلتفت عم عارف الى سليم 
اخبارك ايه يا ابني تحب اخفف الدقن والشعر ولا اقصرهم 
سليم الحمد لله خفف
فاطمهقصرهم احسن يا سليم 
سليم ععشان هي 
عم عارف توكلنا على الله 
في الجامعه تلتقي نهى بصديقاتها 
نهىالسلام عليكم ورحمه الله وبركاته اخباركم ايه يا قمرات 
فاتن صديقه نهى من المرحله الثانويه 
وعليكم السلام ورحمه الله وبركاته بخير يا نهى انتي اللي عامله ايه 
نهى الحمد لله يا فتونه 
جيلان نحمد الله يا خيتي كيفك وكيف الوالده 
نهى زينه جوي ياجلي 
جيلان واه ليه كده عاد تتمجلتي عليه
نهىلا والله ما اقصد انا اسفه انا مودي حلو النهارده قولت اهزر معاكي بس حقك عليه 
جيلانربنا يحلي ايامك خير يا جلبي 
فاتنايه اخبار من امال 
نهىامممم هتوصل كمان اسبوع 
فريده التي كانت تستمع اليهم وتتناول كوب من الشاي 
وهتعرفي تذاكري في وجود عيالها يا نهى 
نهىعادي يا فري الولاد من وقت ما يصحو بيكونوا في اوضه سليم مش بيخرجوا الا لو حد طلبهم عشان الاكل 
جيلانسليم وكيف عيحملهم ويتحمل زنهم ما توخزنيش يعني 
نهىعلى فكره يا جيلان سليم صبور جدا وحنين جدا جدا وبيقدر يتعامل مع الاولاد احسن مننا كلنا 
جيلان معقصدش حاجه عفشه لا حول ولا قوه الا بالله اسف هو كيفه !
نهىالحمد لله 
تخرج هاتفها 
شوفوا اخر سلفي ليه معاه 
فريده واااو اخوكي بقى مز يا نهى
نهى بس يا بت هو مز من يومه 
جيلان شفاه الله وعافاه كيف بجي كده 
نهى 
تشعر بالضيق 
والله يا جيلان ما اعرف و كل ما نسال محدش بيريحنا بس انا متاكده انه اتولد طبيعي ولحد تقريبا ٧او ٨سنين 
فاتن 
وقد شعرت بضيق نهى
بسرعه يا بنات هنتاخر على المحاضرات
الفصل ٤ 
ذكريات الجزء ٢
في ولايه كاليفورنيا تذهب ازيس الى فراشها بعد ان اهلكها التعب من العمل في المشفى وفاجاه تسمع صوت هاتفها 
ازيس Hello who with me 
ياتيها صوت محدثها ايز انا ماما يا قلبي 
ازيسالسلام عليكم يا امي اخبارك ايه 
ام ازيسقلقانه عليكي ونفسي اشوفك قبل ما يحصلي حاجه 
ازيس بخضهالف
بعد الشړ عنك يا امي ليه بتقولي كده بتوجعي قلبي 
ام ازيسسلامه قلبك يا حبيبتي هتيجي امتى ريحيني 
ازيسان شاء الله اخر الاسبوع 
ام ازيسلا بكره تكوني عندي عايزه اشوفك ضروري 
ازيس يا ماما متقلقنيش عليكي بكره من اخر الاسبوع متفرقش كتير 
ام ازيس لا يا ازيس تفرق كتير عشان خاطري يا بنتي ريحيني 
ازيس حاضر يا امي هحجز اول ما اقفل معاكي 
ام ازيس ربنا يرضى عليكي يا بنتي 
تنهي ازيس المكالمه وتتفقد رحلات الطيران المتوجهه غدا لقطر وبالفعل تجد واحده ستقلع بعد ٥ساعات تقوم بالحجز وتعد حقيبه سفرها وتتوجه للمطار بينما تجري العديد من المكالمات والرسائل النصيه القصيره لتستطيع الحصول على اجازتها وبالفعل تحصل عليها بشق الانفس تصعد ازيس الى الطائره وتستريح في مقعدها لتغفو يمر الوقت وازيس كما هي نائمه حتى هبطت الطائره وبعد نزول جميع الركاب قامت المضيفه بايقاظ ازيس التي تاسفت لها واسرعت هي الاخره بمغادره الطائره انهت ازيس الاجراءات وتوجهت لخارج المطار و استقلت تاكسي وبعد ساعه كانت بمنزلها لتفاجاء بان امها ليست بالمنزل اتصلت بهاتفها 
ازيس الو انتي فين يا امي 
اتها الرد لكن بصوت غير صوت امها الو حضرتك صاحبه هذا التلفون بالمشفى انا الممرضه 
حصلت ازيس على عنوان المشفى واسرعت بالذهاب لرؤيه والدتها والاطئنان عليها 
في الاستقبال 
ازيسلو سمحت غرفه السيده صبا نجيب 
بعد ان اعطاها موظف الاستقبال رقم الغرفه توجهت ازيس اليها طرقت باب الغرفه واتاها الرد اتفضل 
دخلت ازيس وجدت امها ترقد على السرير منهكه اوي 
ازيسامي حبيبتي فيكي ايه 
صبا الحمد لله انك جيتي وشوفتك قبل ما ينتهي الاجل 
ازيس متقوليش كده يا امي بالله عليكي انتي هتبقي كويسه 
صبا اسمعيني يا ازيس ارجوكي ومتقطعنيش كل واحد فينا يا بنتي هيجي يوم وتنتهي حياته هنا عشان تبدا في مكان تاني المكان اللي بدعي ربنا انه يجمعني فيه بابوكي واخوكي 
ازيسلا يا امي ارجوكي متسبنيش انا مليش حد غيرك حتى او ليه مش عايزه غيرك 
صبا حبيبتي ده مصيرنا كلنا ومفيش مفر بس انتي مش هتبقي لوحدك اسمعيني كويس يا ازيس لما ترجعي البيت ادخلي المكتب مفتاحه في شنطتي افتحيه فاكره صوره ابوكي واخوكي اللي متعلقه نزليها وافتحي البرواز هتلاقي مفتاح خزنه البنك الخزنه دي فيها رسالتين واحده ليكي والتانيه لعمتك فاطمه في مصر اوعديني يا بنتي اوعديني تنفذي اللي مكتوب في الرساله اللي تخصك اوعديني لان خلاص ابوكي وتكفيره عن ذنبه وذنبي متعلق بيكي دلوقتي سمعاني يا ازيس ارجوكي اوعديني كمان تدفنيني في مصر جنب اخوكي وابوكي 
ازيسارجوكي يا امي اهدي وارتاحي ان شاء الله هتبقي كويسه 
صبا ارجوكي يا ازيس اوعديني الاول 
ازيساوعدك يا حبيبتي 
صباالحمد لله يا طاهر ارتاح بنتنا هتسد دينا ازيس سامحينا يا بنتي انتي الوحيده اللي تقدري تسد دينا لعمتك فاطمه وجوزها الله يرحمه 
ازيسمتقلقيش يا امي كل اللي انتي عايزه هيتنفذ بس ارتاحي انتي 
تدخل الممرضه لو سمحتي المريضه محتاجه للراحه 
ازيسحاضر ممكن اعرف الدكتور المتابع للحاله مين ومكتبه فين 
الممرضه دكتور صادق النجدي مكتبه في الطابق الثاني 
تخرج ازيس بعد ان تطمئن والدتها متجهه لمكتوب الدكتور للاستعلام عن حاله امها
الفصل ٥
الوعد 
ذهبت ازيس الى مكتب الطبيب واكتشفت ان امها في المرحله الاخيره من مرضها وكم كانت صډمتها كبيره خلال الاعوام الماضيه لم تزر والدتها غير مرات قليله تعد على اصابع اليد الواحده كانت تعلل لانشغالها في دراسه الطب فمجال المخ والاعصاب ليس بالمجال الطبي الهين للرجال فكيف بها الفتاه الرقيقه تذكرت كيف كانت امها تتقبل انشغالها هذا بصبر كيف لم تشتكي او تمنعها بل