العريس إختارك إنت
ديه لا تطاق والتلاته التانين باين كده مرتبطين وانا محبش افرق قلبين بيحبوا بعض ابدا
رديت بسخريه
ياحنيييين
الله يكرم اصلك
اللهم طولك ياروح طب علي فكره بقي انا كمان مرتبطه وبحبه و
مفقوسه اوي بجد شوفيلك كذبه غيرها
أوووووف اووووف اطلع برا
رد ببرود
اوك
وراح نحيه الباب وكان لسه هيخرج قربت منه وانا بشده من دراعه بتلقائية وخوف
رد بخبث
الله مش انتي قولتيلي أخرج
ايوه بس كان قصدي تخرج من مطرح ما جيت !
اممممم ماهو بصراحه انا المره الاولي كنت هقع
والله!
اه والله
يابني انت متعصبنيش بقي وأخرج من اوضتي وإلا
مال بنص جسمه وهو بيبص في عيوني بتحدي
وإلا ايه
بلعت ريقي وانا برمش عيني اكتر من مره بتوتر
عشان ارجع علي امريكا لحبيبتي
قلبي اتنفض وانا بساله بنبره مهزوزه
ا انت مرتبط!
اكيد يعني
اوك يبقي اتفقنا
رد بغموض
اتفقنا
بارك الله لكما وبارك عليكما وجمع بينكما في خير
ومع الجمله اللي قالها المأذون واللي بتعلن عن جوازنا رسمي اللي بتعلن أن انا بقيت ملك شخص معرفهوش!
قلبي اتنفض
العيله كلها قربت مني تبارك وتهني ماعدا دارين طبعا اللي كانت واقفه عايزه ټموتني
حقها هو فضلني انا عليها بالرغم انها اجمل وارق واحسن مني في حاجات كتير حقها تتضايق وحقها تحقد عليا
كنت بقابل الكل بابتسامه مزيفه بالرغم من الخۏف اللي دب في قلبي اول ما أعلن المأذون الجواز رسمي وقدام الكل
هو انا فعلا خاېفه ولا متوتره انا مبسوطه ولا زعلانه شعوري كان متناقض تماما كان عباره عن خوف وتوتر وفرحه وحزن مع دقه قلب غريبه لاول مره !!!
قرب مني وهمس في ودني
مبروك
قلبي دق للمره اللي مش عارفه عددها وفركت ايدي بتوتر وانا برد بنفس الهمس
الله يبارك فيك
سحب ايدي بين ايديه وشبك صوابعه في صوابعي وانا ببصله باستغراب
ضحك ضحكه مزيفه وهو بيبص قدامه
بعمل عريس
رفعت حاجبي باستغراب
افندم!
لف برأسه وهو بيبص في عيوني وبيقولي بغموض
يعني لازم نبين للناس أننا بنحب بعض
رديت بتلقائية
بس انا مش بحبك
ضحك وهو بيرد بسخريه
قال يعني انا اللي بحبك !
كلها مجرد تمثليه عملناها عشان جدي يكتبلنا الفلوس وكل واحد يروح لحاله
متحلميش باكتر من كده ياميان
جملته غاظتني فبصلته بقرف وانا بسحب ايدي من أيده بغيظ
انت اللي متحلمش باكتر من كده ولو حتي عقلك وزك وحبيتني ف استحاله انا احبك يا شاطر
ضحك ببرود
يبقي خالصين بس اوعي تحبيني اصل انا عارف تأثيري قوي علي اي بنت
بصيتله بتحدي
اي بنت إلا انا
رد بغموض
اوك
بصيت قدامي وانا بحاول ارسم ضحكه مزيفه علي وشي وخاصه لما شوفت جدي بيقرب مننا وهو باين علي وشه الفرحه
الف مبروك ياولاد
ردينا في نفس واحد
الله يبارك في حضرتك ياجدو
جدو
انتوا مش متخيلين فرحتي بيكم قد اي ربنا يسعدكم يارب ويرزقكم بالذريه الصالحه
ياسين
يااااارب اللهم امين ياجدي
اما عني اكتفيت بابتسامه وانا ببوس أيده بأحترام
وبعد شويه خلص الفرح ومشيت الناس ومتبقاش غير العيله بتاعتنا
مالك ابن عمي بفرحه
الف الف مبروك ياحبيبتي ربنا يسعدك يارب
ابتسمت بحب لاني بعتبره زي محمود اخويا بالظبط بالرغم أنه اخو دارين بس حقيقي مش شبهها خالص !
الله يبارك فيك ياقلبي وعقبالك يباشا لما نفرح بيك كده
ياسين برفعه حاجب
قلبك!!
مالك باحراج
انا بعتبر ميان اختي الصغيره و عموما الف مبروك يا ياسين
ياسين وهو بيرد عليه بجمود
الله يبارك فيك عقبالك
جدي
يالا بقي ياعريس خد عروستك واطلع علي شقتك
دارين بلهفه
لا ثواني ياجدو حضرتك قولت ا احم ي يعني قولت ا
