العريس إختارك إنت
انه
جدو وهو بيقاطعها
عارف يادارين علي الميراث
وبصلنا بغموض وهو بيقول
انا فعلا قولت اني هكتب الميراث لو ياسين اتجوز حد منكم بس مقولتش علي الشرط التاني
ردينا كلنا في نفس واحد باستغراب
الشرط التاني !!!
جدو وهو بيحط أيده علي كتفي بابتسامه
لما افرح باول حفيد ليا أن شاء الله هكتبلكم الميراث
مستحييييل !!!!
جدو باستغراب
هو ايه اللي مستحيل يابنتي
ياسين بتوتر وهو بيبتسم ابتسامه مهزوزه
هههه ههه متاخدش علي كلامها ياجدو ميان بتحب تهزر صح ياحبيبتي
قال جملته وانا مش فاهمه اي حاجه
همس في ودني بغيظ
اقفلي بوقك متفضحناش
كنت لسه هرد بس هو قاطعني
يالا بقي ياحبيبتي نطلع عشان انا تعبان جدا
قال جملته وسحبني وخرجنا من البيت وانا بحاول أفلت منه بس كان اقوي مني
وفجأه بصلي بصه رعبتني وهو بيقول بهدوء مريب
بطلي تتحركي واطلعي بالذوق
وقدام نبرته اللي رعبتني هزيت راسي من غير ما انطق حرف زياده
وصلنا قدام باب
البيت وهو ساب ايدي وفتح الباب وسحبني مره تانيه لجوا
سحبت ايدي منه اول ما دخلنا وانا بقول بعصبيه
اتنهد وحط أيده في جيبه وهو بيجز علي أسنانه بغيظ
بجد مشوفتش في غبائك
شوحت بأيدي بكل عصبيه
ما تحترم نفسك يابني آدم انت
ورفع رأسه وبصلي
اكيد طبعا أنا مش هخلف من واحده زيك
ضحكت بسخرية وانا بشاور بأيدي
علي اساس اني ھموت واخلف منك يا اخر قطعه في الكيمو كونو
وحطيت ايدي تحت خدي بتفكير وسخريه
بصلي ورد ببرود
لا انا محور الكون ولا انتي محور الكون ولا حد محور الكون
واقولك علي حاجه اخفي من وشي عشان انا مش طايق اشوف وشك ده
بصيتله بقرف من فوق لتحت
يكون احسن برضو اهو ارتاح من وشك اللي يقطع الخميره من البيت
دي الله يكون في عونها البنت اللي بتحبك مش عارفه مستحملاك ازاي ده انا معاك بقالي تلت دقائق ومش طايقه اشوف وشك
ومع آخر جمله قولتها محستش بنفسي غير وانا بقع بين ايديه والفنجان بيقع من ايدي وبيتكسر ميه حته زي قلبي تماما
ممكن افهم انتي بټعيطي ليه دلوقتي
ليه وعشان ايه عشان الفلوس
طب هو مش فارق معاه لانه ولد لكن انا ليه محسش بشعوري
ليه مقدرش أني فضلت سنين كتير بحلم باليوم ده لكن مع الشخص اللي بحبه الشخص اللي برتاح معاه الشخص اللي بحس معاه بالأمان
قرب مني ولسه هيحط أيده علي ايدي بس انا بعدت وانا پصرخ پخوف
ابعد عني
غمض عينه واخد نفس طويل وهو بيمسح علي وشه بضيق
خلاص ياميان محصلش حاجه لكل ده انا جوزك !
رفعت راسي وانا برد پشراسه ودموع
مش جوزي
وبصيت في عيونه بتحدي
انت مش جوزي ولا
عمري هتقبل فكره انك جوزي
وضحكت بسخريه والدموع في عيوني
بالنسبالك محصلش حاجه عشان انت ولد عشان انت واحد عايش برا وبالنسبالك ده عادي
منكمشه في نفسي
وقلبي مش عايز يبطل دق
عيوني مش راضيه تبطل ترمش
مشاعري وانا في قربه مش راضيه ترحمني !
وفي الخلفيه صوت الست بتقول
اهرب من قلبي اروح علي فين!
وقتها مكنتش لاقيه اجابه السؤال
من الواضح اني مش هقدر اهرب من قلبي اللي حابب قربه متوتر مكسوف لكن في النهايه حاسس براحه غريبه وكأنه بيقولي مفيش هروب مني أو من ياسين !
نفضت الافكار الغريبه دي من دماغي وقومت من مكاني وانا بتنهد بحيره
خرجت برا الأوضه لقيته قاعد
