روايه يسر كامله بقلم رنا سليمان
وبعد كده هتطلقها وتروح تتجوز كارما .مش كده ولا انا غلطانة يا اياد!
بصتله ب صدمة .كان واقف ساكت وباصص في الارض
_ساكت لية مترد عليها .انت فعلا اتجوزتي علشان الفلوس يا اياد!
_اومال انتي فاكره اية يا حبيبتي .مفكراه متجوزك علشان سواد عيونك ولا علشان واقع في حبك .. وبعدين ما انتي عارفه من الاول انه متجوزك علشان يرضي ابوه وانه بيحب كارما من الاول .مالك مستغربه لية دلوقتي
_عندك حق .انا كنت عارفه من الاول .بس معرفش انه واطي للدرجة دي انا كنت فاكرة انه اتجوزني علشان بابا الله يرحمه كان عايز كده وهو علشان بيحبه وافق على طلبه بس مكنتش اعرف انه اتجوزني بمزاجه علشان ياخد فلوس بابا
_وهي فرقت معاكي اوي يا حبيبتي
_طبعا فرقت .انا من اول يوم لما قالي انه عمل كده علشان بيحب بابا وخاېف على زعله احترامته لانه بيحب اهله وبيحاول يعمل اي حاجه علشان يراضيكم .حتي لو كان على حساب سعادته....بس دلوقتي نظرتي اختلفت ليه واكتشفت انه شخص اناني مبيفرقش معاه غير الفلوس وبس
_صدقيني يا يسر انا حبيتك والله منكرش اني في
الاول اتجوزتك علشان الفلوس بس والله انا حبيتك .حبيتك اوي يا يسر .انا كنت مستني فرصة مناسبة اني اعترفلك بحبي لاني كنت طول الوقت خاېف انك تضيعي من ايدي وتطلبي الطلاق في اي لحظه .بس صدقيني مكنتش اللحظه المناسبه
_ودي كدبة جديده بقي ولا اية يا أياد .هو انت فاكر اني هصدقك
_انا بجد مش مصدقه طمعك وجشعك دا بابا مكملش اسبوع مېت وانتي بتفكري في الفلوس والاملاك انتي وابنك انا حقيقي اسفه اني احترامتك في يوم واعتبرتك زي امي
_واسفه اني حبيتك في يوم واعتبرك شخص يستاهل الحب دا .انا هروح اقعد عند بابا لحد ما ورقة طلابي توصلي
_لا يا يسر . علشان خاطري متمشيش انا مش هقدر اطلقك ولا اعيش من غيرك .انا بحبك يا يسر
_وانا مبقتش احبك يا اياد
سيبتهم ومشيت .جاه ورايا....كنت نازله على السلم .نزل ورايا وحاول يوفقني مسك ايدي
_كفاية بقي انت اية مش بتزهق من الكدب
_يا يسر والله انا ما بكدب انا بحبك بجد
_وانا مبقتش عايزه الحب دا ولا عايزه اعيش معاك لحظه واحده بعد كده .انا حقيقي ندمانه اني حبيتك يا اياد .ابعد عني وطلقني ارجوك
عدا شهرين .مكنتش اعرف عنه حاجه طول الشهرين دول .رغم اللي حصل
دا بس لسه في جزء في قلبي بيحبه ومش قادر يكرهه
كنت قاعده في اوضتي الباب خبط
_ادخل
بابا
دخل وقفل الباب
_يسر حبيبتي في
حد عايز يقابلك برا
_حد
